Siarhiej Cichanoŭski raskazaŭ, za kaho b jon prahałasavaŭ na budučych prezidenckich vybarach
Sam Cichanoŭski bałatavacca nie chacieŭ by.
Fota: Lusterka
«Asabista ja prahałasavaŭ by za Mikałaja Statkieviča, kali jon budzie ŭdzielničać. Nu, a kali nie, to my ź im abmiarkoŭvali, što kali što — prahałasujem abodva za Paŭła Sieviarynca, kali jon budzie bałatavacca», — zajaviŭ jon u intervju «Lusterku».
Na pytańnie, ci moh by jon sam bałatavacca, Siarhiej Cichanoŭski kaža, što nie.
«Ja spytaŭ žonku, jana kaža: «Taksama nie chaču i nie budu nikoli». Voś jana pajšła z-za mianie. A ja to pajšoŭ pakazać, što heta niemahčyma. Tolki dla hetaha. Akazałasia, navat zarehistravacca niemahčyma. A jaje zarehistravali, bo žančyna «nie moža być prezidentam» u našaj krainie. Tolki tamu. Jon vyrašaje, kaho rehistravać. U takoj sistemie niemahčyma ni pieramahčy, ni ŭdzielničać u jakich-niebudź vybarach. I nielha heta navat nazvać vybarami. Heta bałahančyk, jak Mikałaj Statkievič zaŭsiody kazaŭ», — skazaŭ eks-palitviazień.