U Śvietłahorskim rajonie «čornyja kapalniki» zrabili ŭ lesie skład bojeprypasaŭ
Supracoŭniki 10‑ha ŭpraŭleńnia HUBAZiK u Śvietłahorskim rajonie znajšli skład bojeprypasaŭ, jaki zrabili «čornyja kapalniki».
Jak paviedamili ŭ pres‑słužbie UUS Homielskaha abłvykankama, apieratyŭniki atrymali infarmacyju pra toje, što ŭ lesie kala vioski Dražnia «čornyja kapalniki» składujuć bojeprypasy. Śpiecyjalisty vyjechali na miesca i znajšli ŭ lesie bojeprypasy časoŭ Druhoj suśvietnaj vajny: artyleryjskija snarady, hranaty, uzryvalniki. Usie 76 adzinak znojdzienych bojeprypasaŭ pieradadzieny supracoŭnikam v/č 5525 Homiela dla źniščeńnia. Ustanaŭlivajucca asoby, jakija mieli dačynieńnie da niesankcyjanavanych raskopak u miescach bajoŭ.
7 krasavika ŭ Žłobinskim rajonie supracoŭnikami 10‑ha ŭpraŭleńnia HUBAZiK sumiesna z supracoŭnikami hrupy raźminavańnia v/č 5525 u lesie kala vioski Piakaličy taksama byli znojdzieny bojeprypasy časoŭ Vialikaj Ajčynnaj vajny: artyleryjskija snarady, hranaty, uzryvalniki. 109 adzinak bojeprypasaŭ pieradadzieny supracoŭnikam v/č 5525 dla źniščeńnia.