«Abarani suvierenitet svajoj Radzimy!» Na miažy Ukrainy i Biełarusi z nahody 3 lipienia źjaviŭsia płakat z Pucinym
Ukrainskija pamiežniki pavinšavali biełaruskich vajskoŭcaŭ z Dniom Niezaležnaści.
Fota: t.me/Tsaplienko
Na ŭkrainska-biełaruskaj miažy źjavilisia novyja płakaty ź vinšavańniem za nahody 3 lipienia.
Na adnym ź ich namalavany Uładzimir Pucin z tabličkaj u rukach, na jakoj napisana «Biełorusskij fiedieralnyj okruh». Pucina z terytoryi Biełarusi šturchaje bot z aficyjnym čyrvona-zialonym ściaham.
«Abarani suvierenitet svajoj Radzimy!» — napisana na płakacie, fota jakoha apublikavaŭ ukrainski žurnalist Andrej Caplijenka.
Ukrainskija pamiežniki pieryjadyčna ŭstaloŭvajuć roznyja płakaty, źviernutyja da biełaruskich vajskoŭcaŭ. Naprykancy minułaha hoda, naprykład, na miažy źjaviŭsia banier z adsyłkaj da Słuckaha paŭstańnia.