Samuju darahuju minskuju kvateru ŭ červieni kupili ŭ «Domie Čyža»
U červieni ŭ šmatpaviarchoviku na bierazie Śvisłačy, viadomym u narodzie jak «Dom Čyža», kupili prastornuju kvateru za 400 tysiač dalaraŭ. Jana akazałasia samaj darahoj kvateraj, pradadzienaj u minułym miesiacy ŭ Biełarusi, piša Realt.by.
«Dom Čyža». Fota: Naša Niva
Žyły kompleks «La Trajeckaha» raźmiaščajecca ŭ histaryčnym centry Minska — pobač z adnajmiennym pradmieściem, nabiarežnaj raki Śvisłač, Vialikim teatram opiery i baleta i mietro «Niamiha». U padjezdach doma kruhłasutačna dziažurać kanśjeržy. Dom abharodžany, majecca videanazirańnie, ujezd u dvor abmiežavany šłahbaŭmam.
Tut, u domie pa adrasie Staražoŭskaja, 6 i pradali samuju darahuju kvateru miesiaca — žyllo płoščaj 158 kvadratnych mietraŭ. Cana za kvateru skłała 400 tysiač dalaraŭ (heta, darečy, bolš čym u dva razy tańniej, čym samaja darahaja kvatera maja).
Vychodzić, što kvadratny mietr u domie Čyža acanili ŭ 2528 dalaraŭ.
Darečy, ciapier u ŽK «La Trajeckaha» pradajecca kala 15 kvater. Samaja tannaja kaštuje 290 tysiač dalaraŭ, a samaja darahaja — 1,6 miljona dalaraŭ.
Čytajcie taksama:
Kolkaść prodažaŭ kvater u Minsku skaraciłasia na 11,5%
Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ
Samuju darahuju kvateru ŭ Minsku sprabujuć zdać za 10 tysiač dalaraŭ štomiesiac
Samuju darahuju kvateru ŭ Minsku ŭ sakaviku pradali za 835 tysiač dalaraŭ