«Hrošy nikudy nie padzielisia, ich nichto nie skraŭ». U Bankaŭskim pracesinhavym centry prakamientavali situacyju sa śpisańniem srodkaŭ
Hienieralny dyrektar AAT «Bankaŭski pracesinhavy centr» Alaksandr Sotnikaŭ prakamientavaŭ situacyju z niesankcyjanavanym śpisańniem hrošaj z kart klijentaŭ.
«Z 9 hadzin nazirajucca niekatoryja zboi ŭ pracy prahramna-aparatnaha kompleksu «Bankaŭskaha pracesinhavaha centra», jakija, na žal, pryviali da nie vielmi pryjemnych nastupstvaŭ dla trymalnikaŭ kartak «Biełarusbank», «Biełahraprambank» i «Bielinviestbank». U niekatorych trymalnikaŭ kartak hetych bankaŭ mohuć być admoŭnyja bałansy na kartkach. Rabotniki i śpiecyjalisty «Bankaŭskaha pracesinhavaha centra» pracujuć nad hetaj situacyjaj», — prakamientavaŭ jon.
«My viedajem, jak jaje vypravić. Nam patrebna peŭnaja kolkaść času. My spadziajemsia, što da 14 hadzin usie prablemy buduć vyrašany, i ludzi ŭbačać na svaich kartkach realnyja reštki. Hrošy nikudy nie padzielisia, nichto ich nie skraŭ. Usio budzie dobra», — skazaŭ Alaksiej Sotnikaŭ.