Katastrofa pad Smalenskam — praciah zdareńniaŭ z samalotami Kačyńskaha

Samaloty pastajanna ramantavalisia — u tym liku ŭ Maskvie, — ale prem'jer-ministr Tusk zaklikaŭ aščadžać hrošy i nie kuplać darahi aerobus.

Katastrofa ŭ Smalensku stała praciaham šerahu zdareńniaŭ z samalotami prezidenta Polščy Lecha Kačyńskaha. Samaloty pastajanna ramantavalisia — u tym liku ŭ Maskvie, — a prem'jer-ministr Tusk zaklikaŭ aščadžać hrošy i nie kuplać darahi aerobus.

U kastryčniku 2008 hoda Lechu Kačyńskamu daviałosia skarystacca čarternym rejsam dla pajezdki ŭ Brusel. Tady

kancylaryja premjera Donalda Tuska admoviła kiraŭniku dziaržavy ŭ mahčymaści skarystacca śpiecbortom dla pajezdki na samit ES.

2 śniežnia 2008 h. dvaccacihradusny maroz u Manholii vyvieŭ z ładu samalot Tu-154 Lecha Kačyńskaha, jaki znachodziŭsia ź vizitam u hetaj krainie. Polski prezydent, jaki ździajśniaŭ turne pa azijackich krainach, ranicaj pavinien byŭ vylecieć z Ułan-Batara ŭ Tokia, adnak praz pałomku ŭradavaha Tu-154 zatrymaŭsia ŭ Manholii.

Kačyńskamu daviałosia lacieć u Japoniju čarternym rejsam.

3 śniežnia 2008 hoda ŭrad Polščy vyrašyŭ zakupić novyja ŭradavyja samaloty. Tym nie mienš,

pa słovach polskaha prem'jer-ministra Donalda Tuska, «urad nie źbirajecca kuplać Kačyńskamu šykoŭny aerobus i abmiažujecca pakupkaj samalota, jaki harantavaŭ by prezydentu elemientarnuju biaśpieku».

5 śniežnia 2008 hoda samalot prezidenta Polščy trapiŭ u zonu mocnaj turbulentnaści ŭ Paŭdniovaj Karei. Praz mocny viecier piłot prezidenckaha TU-154 nie zdoleŭ pasadzić samalot ź pieršaha razu. Jamu daviałosia jašče raz padymać samalot na vialikuju vyšyniu. Sam prezident paśla pryziamleńnia ŭ Sieule, kudy jon prybyŭ u ramkach turne pa azijackich krainach, zachavaŭ aptymistyčny nastroj. «Kožny palot samalotam źviazany z ryzykaj, ale i abaviazki prezidenta źviazanyja ź vielmi surjoznym ryzykaj, tamu što davodzicca lotać pastajanna», — skazaŭ Kačyński, kamientujučy niepryjemnaść z samalotam.

14 studzienia 2009 praz abledzianieńnie samalota Lech Kačyński sa spaźnieńniem vylacieŭ na sustreču z kiraŭnikom Ukrainy Viktaram Juščankam.

17 vieraśnia 2009 hoda złamalisia abodva polskija uradavyja samaloty TU-154. 15 vieraśnia

z Maskvy ŭ Polšču prylacieŭ adzin z dvuch polskich uradavych samalotaŭ, jaki znachodziŭsia ŭ Rasii na praciahłym ramoncie. Adrazu paśla prylotu ŭ Varšavu mašyna sapsavałasia.

Kamientary da artykuła