U Minsku źjaviŭsia ekałahičny prypynak
U Minsku na prypynku aŭtobusaŭ «Industryjalna-piedahahičny kaledž» ustanavili ekałahičny paviljon, pišuć Minsk-Naviny.
Prajekt raspracavali i pry padtrymcy administracyi Frunzienskaha rajona ažyćciavili navučency Minskaha dziaržaŭnaha kaledža technałohii i dyzajnu lohkaj pramysłovaści. Akcent u afarmleńni zrobleny na ekałahičnuju tematyku. Prypynak nabyŭ viasiołaje hrafičnaje afarmleńnie i ŭpryhožany kašpo z kvietkami.
Aŭtary idei ličać, što taki tematyčny abjekt paspryjaje raźvićciu raździelnaha zboru śmiećcia ŭ stalicy i pavyšeńniu ekałahičnaj kultury haradžan, palepšyć kamfort pasažyraŭ i miascovych žycharoŭ.
Heta piłotny prajekt, u jakim adrazu nie ŭdałosia ŭvasobić usio zadumanaje. Viktoryja Vasina i Anhielina Saŭčuk, aŭtary prajekta, upeŭnienyja, što zmohuć realizavać svajo bačańnie paŭnavartasnaha ekałahičnaha prypynku pry stvareńni druhoha abjekta. Płanujecca, što jaho pradstaviać publicy vosieńniu 2025 hoda.