Časovaja pavieranaja ŭ spravach Hiermanii pakidaje svaju pasadu
Časovaja pavieranaja ŭ spravach Hiermanii Andrea Viktaryn pakidaje svaju pasadu. Pra heta paviedamlajecca na staroncy ŭ fejsbuku pasolstva Hiermanii ŭ Minsku.
Fota: Pasolstva Hiermanii ŭ Biełarusi
«25 hadoŭ tamu ja ŭpieršyniu pryjechała ŭ Minsk. Ciapier ja raźvitvajusia, na hety raz, vidać, kančatkova.Na žal, adnosiny pamiž Jeŭrapiejskim Sajuzam i Biełaruśsiu, pamiž Hiermanijaj i Biełaruśsiu na dadzieny momant dalokija ad taho stanu, u jakim jany mahli b znachodzicca. Mienavita tamu my ŭ hetaj składanaj palityčnaj situacyi imknulisia i dalej spryjać kantaktam pamiž hramadzianami našych krain.
Biełaruś hłyboka i tryvała źviazana z našym ahulnym jeŭrapiejskim kantynientam: nas abjadnoŭvaje ahulnaja historyja, časam vielmi balučaja. Budučynia svabodnaj, suvierennaj Biełarusi dla mianie vielmi važnaja, i ja žadaju nam usim lepšych časoŭ i miru», — napisała Andrea Viktaryn.