U Rasii nazvali canu na novy aŭtamabil Lada Iskra
Rasijski AŭtaVAZ nazvaŭ ceny na novy aŭtamabil Lada Iskra, jaki byŭ upieršyniu pradstaŭleny ŭ studzieni 2025 hoda. Hetaja madel zadumvałasia jak dastupnaja zamiena dla ŭžo sastarełaj liniejki Granta, ale ŭ vyniku zaniała pramiežkavaje miesca pamiž Vesta i Granta, paviedamlaje Autonews.ru.
Fota: Autonews.ru
Sieryjnuju vytvorčaść Iskra pačali ŭ krasaviku, adnačasova startavaŭ pryjom pieradzamoŭ. U prodaž pastupiać try varyjanty kuzava: siedan, univiersał i krośviersija. Usie buduć z ruchavikami abjomam 1,6 litra, mahutnaściu ad 90 da 106 konskich sił, ź miechaničnaj abo aŭtamatyčnaj karobkaj pieradač.
Pa pamierach Iskra blizkaja da Granta i Renault Logan III, ale krychu mienšaja za Vesta. Źniešnie jana vielmi nahadvaje «starejšuju» madel — tyja ž vyštampoŭki na bakach i «bumieranhi» na bampiery. Płanujecca siem koleraŭ: sini, bieły, čorny, ciomna-čyrvony, srebny, karyčnievy i aranžavy.
Aŭtamabil budzie vypuskacca ŭ čatyroch kamplektacyjach: Comfort, Life, Enjoy i Techno. Ceny — ad 1,249 da 1,579 miljona rasijskich rubloŭ (prykładna ad $16 000 da $20 000). Aficyjny start prodažaŭ u Rasii — 20 lipienia.
U Biełarusi Lada zajmaje druhoje miesca pa prodažach siarod aŭtamabilnych brendaŭ, z dolaj kala traciny rynku. U lutym 2025 hoda brend pačaŭ pradavać u Biełarusi biznes-siedan Lada Aura.
Čytajcie taksama:
U Biełarusi padaražejuć novyja aŭtamabili, a vybar u dyleraŭ stanie bolš ścipłym. Što źmianiajecca
Aŭtamabilnaja asacyjacyja patłumačyła, čamu źmianšajucca prodažy novych mašyn
Nie tolki «kitajcy». Jakija biudžetnyja novyja aŭto prapanuje biełaruski rynak