BT pakaža film Andžeja Vajdy «Katyń»
U piatnicu, 23 krasavika.
U piatnicu, 23 krasavika, Pieršy nacyjanalny telekanał (BT) pakaža znakamity film Andžeja Vajdy «Katyń» (2007 hod). Pra heta paviedamlajecca ŭ prahramie telepieradač na nastupny tydzień.
Pačatak pakazu apoŭnačy - 00:00. Doŭžycca film budzie adnu hadzinu 55 chvilin.
Ale treba ŭličyć, što nastupny dzień — vychodny (h.zv. respublikanski subotnik na pracoŭnych miescach), dyj film dastatkova žortski, kab jaho hladzieli dzieci i junaki.
***
Film Andžeja Vajdy — bijahrafičny. U Katyni zahinuŭ jahony baćka.
Va ŭročyščy pad Smalenskam znajšli viečny spačyn tysiačy aficeraŭ polskaj armii — mabilizavanyja ŭ vojska pradstaŭniki intehiencyi, čynoŭniki. Jany byli rasstralanyja na zahad Stalina ŭ 1940 h. Značny pracent ź ich i uradžencaŭ Zachodniaj Biełarusi. Tamu hety film i pra nas.
Na padlocie da Katyni raźbiŭsia 10 krasavika 2010 hoda samalot prezidenta Polščy.
Zaznačym taksama, što film «Katyń» nie byŭ rekamiendavany da prahladu ŭ biełaruskich kinateatrach.