Ciahnik Anapa — Minsk zatrymlivajecca na 6 hadzin z-za ataki bieśpiłotnikaŭ
Niekalki dziasiatkaŭ ciahnikoŭ zatrymlivajucca praz ataku bieśpiłotnikaŭ na stancyju Lichaja ŭ Rastoŭskaj vobłaści. Niekatoryja ciahniki adstajuć bolš čym na 10 hadzin, paviedamlaje rasijski telehram-kanał Baza.
Skrynšoty z kvitkami na ciahniki, jakija spaźniajucca
Zatrymlivajucca ŭ tym liku ciahniki, jakija jechali z Anapy ŭ Minsk i Smalensk. Jany adstajuć ad raskładu amal na 6 hadzin.
Pry hetym pasažyry skardziacca na duchatu ŭ vahonach i drennaje charčavańnie: pa ich słovach, za 10 lišnich hadzin im dali łokšynu chutkaha pryhatavańnia i butelku vady.
Usiaho za dzień 20 lipienia zatrymlivajucca kala 130 ciahnikoŭ. Častku trafiku ŭdałosia adnavić.
Rasijskaja čyhunka zajaviła, što źmiena ŭ ruchu ciahnikoŭ adbyłasia praz «zdareńnie na stancyi Lichaja».
U noč na 20 lipienia ŭ Rasii adbyłasia ataka na stancyju Lichaja. U vyniku padzieńnia abłomkaŭ BPŁA zahareŭsia budynak, raźmieščany la stancyi.