U Biełarusi zafiksavanyja dva vypadki kantaktu z šalonymi žyviołami
Ministerstva achovy zdaroŭja paviedamiła pra dva vypadki masavaha kantaktu ludziej z žyviołami, chvorymi na šalenstva, jakija byli zafiksavanyja ŭ Biełarusi za apošni tydzień. Heta adbyłosia ŭ Mahiloŭskaj i Viciebskaj abłaściach.
Ilustracyjnaje fota
«U chodzie epidemijałahičnaha rasśledavańnia ŭstanoŭlena, što kantaktavali z zaražanymi žyviołami 16 čałaviek: u adnym vypadku heta byŭ biazdomny kot, u druhim — aviečka», — paviedamili ŭ pres-słužbie Minzdaroŭja.
Zaraz tyja, chto kantaktavaŭ, atrymlivajuć antyrabičnaje lačeńnie pa poŭnym cykle: antyrabičny imunahłabulin u kambinacyi z antyrabičnaj vakcynaj.