Kožnyja dva mietry — pierachod. Siurpryz dla viełasipiedystaŭ u Minsku
Adzin z čytačoŭ Onliner.by źviarnuŭ uvahu na raźmietku, jakuju niadaŭna nanieśli na tratuary pa vuł. Kujbyšava. Što ž jaho tak ździviła?
Onliner.by
Takuju raźmietku časam možna ŭbačyć na chodnikach, dzie jość padzieł na piešachodnuju zonu i vieładarožku. Jana aznačaje, što ŭ hetym miescy maršruty piešachodaŭ i viełasipiedystaŭ pierasiakajucca — i apošnija pavinny sastupać tym, chto pierachodzić vieładarožku.
— Usio było b ničoha, ale atrymlivajecca, što tut pierachod za pierachodam litaralna kožnyja dva mietry. Heta ŭžo niejki siur. Ja razumieju: naŭrad ci na kožnym pierasiačeńni daviadziecca sastupać piešachodam. Ale vyhladaje heta prynamsi dziŭna, — vykazaŭsia adzin viełasipiedyst u kamientary Onlíner.
Piešachodnyja pierachody praź vieładarožku viaduć da miescaŭ stajanki aŭtamabilaŭ. Pa zadumie, heta pavinna paźbiehnuć kanfliktaŭ pamiž viełasipiedystami i tymi, chto idzie ad aŭto ci da ich. Ale ŭźnikaje łahičnaje pytańnie: ci nie lepš było b addać vieładarožcy inšy bok tratuaru, kab takich pierasiačeńniaŭ nie było ŭvohule? U takim vypadku, ludzi, vychodziačy z aŭtamabila, adrazu traplali b na piešachodnuju častku i nie ryzykavali b apynucca pad kołami rovaraŭ abo SPM.