Ministr finansaŭ raskazaŭ, na što Biełaruś prosić hrošaj u Rasii

Ministr finansaŭ Biełarusi Juryj Sielivierstaŭ padčas vizitu ŭ Rasiju na ekałahičnuju kanfierencyju ŭ Horna-Ałtajsku raskazaŭ, što Biełaruś źviarnułasia da Rasii z prośbaj prafinansavać šerah prajektaŭ.

Juryj Sielivierstaŭ

Pavodle słoŭ čynoŭnika, na sustrečy z rasijskimi kalehami abmiarkoŭvałasia nie tolki mahčymaść pryciahnieńnia novych kredytaŭ na inviestycyjnyja prajekty, ale i refinansavańnie raniejšych daŭhoŭ.

Asobna jon adznačyŭ, što Biełaruś choča atrymać finansavańnie na raźvićcio naftapierapracoŭki i na papaŭnieńnie dziaržaŭnaha biudžetu.

«Vy viedajecie, siońnia ŭ topie pytańni finansavańnia naftapierapracoŭki, pytańni pryciahnieńnia finansavańnia ŭ biudžet», — zajaviŭ ministr.

Sielivierstaŭ nie ŭdakładniŭ, pra jakija sumy idzie havorka, ale padkreśliŭ, što kantakty pamiž Minskam i Maskvoj nosiać rehularny i ščylny charaktar.

Raniej paviedamlałasia, što Rasija dała Biełarusi adterminoŭku pa vypłatach pa dziaržaŭnych kredytach na ahulnuju sumu kala 800 miljonaŭ dalaraŭ — adpaviedny zakon padpisaŭ Uładzimir Pucin.

Kamientary da artykuła