Siońnia projdzie tradycyjny fest «Rakucioŭskaje leta»
Siońnia, 26 lipienia, u Rakucioŭšynie projdzie tradycyjnaje śviata paezii i pieśni «Rakucioŭskaje leta — 2025».
Dzie čerpaŭ siły i natchnieńnie Maksim Bahdanovič?! Dzie zrazumieŭ, što jon biełaruski paet?! Adkaz na hetaje pytańnie jość — Rakucioŭščyna, maleniečkaja viosačka, niepadalok ad Maładziečna.
Mienavita siudy, na adpačynak, letam 1911 hoda pryjechaŭ himnazist ź Jarasłaŭla, a viartaŭsia — biełaruski piśmieńnik, z płanami i marami pra budučuju knihu. Narobak letnich miesiacaŭ dosyć vialiki — cykły vieršaŭ «Miesta», «Staraja Biełaruś», paemy «U vioscy» i «Vieranika».
Fest budzie doŭžycca z 16:00 da 20:00,
Prahrama:
- pryvitalnaja impreza kala pamiatnych kamianioŭ, uskładańnie kvietak;
- ekskursii pa ekspazicyi muzieja «Falvarak Rakucioŭščyna»;
- zajmalnyja majstar-kłasy, hulni dy zabaŭki;
- kancert z udziełam biełaruskich litarataraŭ, muzykaŭ, śpievakoŭ;
- kvesty i šmat inšych cikavostak;
- biasproihryšnaja razyhranka z pryzami ad muzieja.
Prajezd:
- elektryčkaj Minsk — Maładziečna, Maładziečna — Minsk — da stancyi Uša;
- maršrutnym taksi Minsk-Krasnaje, Minsk-Maładziečna — da vioski Krasnaje (prypynak kala tanka);
- ułasnym aŭto — da vioski Rakucioŭščyna (GPS: 54.2541, 27.0925).
Telefony dla daviedak: + 375 17 355 22 95 (Minsk), + 375 17 679 61 41 (Rakucioŭščyna).