U centry Bresta pastavili hihancki pomnik huziku
Najbolš papularny čałaviek u horadzie — lichtarščyk. Najbolš papularnaja reč na jaho kicieli — huzik, piša «Viačerni Brest».
Za niekalki hadoŭ słužby lichtarščyku daviałosia pamianiać niekalki huzikaŭ, bo jany chutka vychodzili z ładu i prosta hublalisia. Usia sprava ŭ tym, što huzik bresckaha lichtarščyka pavinien prynosić ludziam ščaście.
Viktar Kirysiuk užo 16 hadoŭ zapalvaje lichtary ŭ Breście.
Pa prapanovie samoha lichtarščyka ź nieržaviejučaj stali zrabili vielizarny huzik dyjamietram 3 mietry 40 santymietraŭ i vahoj bolš za tonu. Huzik «na ščaście» źjaviŭsia ŭ horadzie na skryžavańni vulic Savieckaj i Dziaržynskaha.
Pieršymi dakranucca da huzika i zahadać žadańnie było dadziena bresckim maładym. Darečy, siońnia ŭ horadzie 31 para zaklučaje šlub.