U Hiermanii furhon na poŭnaj chutkaści ŭrezaŭsia ŭ furu biełarusa
23 lipienia kala 7-j ranicy na aŭtabanie BAB 1 u ziamli Paŭnočny Rejn — Viestfalija adbyłasia surjoznaja avaryja z udziełam biełarusa, piša vydańnie «Biełaruś i mir».
Niedaloka ad horada Kamien u kirunku Kiolna hruzavik DAF, jakim kiravaŭ 32-hadovy hramadzianin Biełarusi, stajaŭ u kancy zatoru, kali ŭ jaho zzadu na poŭnaj chutkaści ŭrezaŭsia furhon Mercedes Sprinter, jakim kiravaŭ 49-hadovy žychar niamieckaha horada Chierne.
U vyniku kiroŭca furhona atrymaŭ ciažkija traŭmy — kabina była mocna paškodžanaja, jaho daviałosia vyzvalać ratavalnikam. Paciarpiełaha dastavili ŭ balnicu. Biełaruski kiroŭca nie paciarpieŭ.
Paśla drobnaha ramontu fura DAF zmahła samastojna pakinuć miesca avaryi, a Mercedes pryjšłosia evakujavać. Trasu ačyščali ad abłomkaŭ i techničnych vadkaściaŭ.
Na čas rabot była dastupnaja tolki adna pałasa ŭ kirunku Kiolna, što pryviało da vialikaha zatoru.
Čytajcie taksama:
Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ
Na miažy z Polščaj zatrymali pjanaha biełarusa-dalnabojščyka
Biełaruski dalnabojščyk zamoviŭ namalavać hierb rodnych Baranavič pierad Kiolnskim saboram