Ź biełaruskich vadajomaŭ źnikajuć załatyja karasi
Spradvieku załaty karaś byŭ šyroka raspaŭsiudžany ŭ rekach i aziorach Biełarusi, ale ŭ apošnija dziesiacihodździ jahonaja kolkaść katastrafična źmianšajecca, piša telehram-kanał «Dzikaja pryroda pobač».
Załaty karaś
Pryčyna prablemy — u kankurencyi z boku srebnaha karasia, jakoha zavieźli ŭ Biełaruś u kancy 1940-ch hadoŭ z basiejna raki Amur dla rybnaj haspadarki. Hety vid chutka ros, aktyŭna mihravaŭ i ŭ vyniku zachapiŭ bolšaść vadajomaŭ krainy.
Srebny karaś
Srebny karaś lepš za załatoha pieranosić deficyt kisłarodu i zabrudžvańnie vady. A samki srebnaha karasia paśpiachova razmnažajucca navat biez svaich samcoŭ — ich ikrynki mohuć apładniać inšyja vidy ryb.
Ekołahi prosiać rybałovaŭ z uvahaj stavicca da hetaj prablemy i rajać pry vyłoŭlivańni adpuskać załatych karasioŭ nazad u vadajom, a taksama nie vykarystoŭvać srebnaha karasia jak žyŭca tam, dzie žyvie załaty.
Akramia hetaha, rekamiendujecca nie padsialać srebnaha karasia ŭ vadajomy, dzie žyvie załaty, i fiksavać najaŭnaść załatoha karasia ŭ pramysłovych ułovach, adroźnivajučy jaho ad srebnaha, pry napisańni spravazdačy.
Čytajcie taksama:
U Biełaruś znoŭ prylacieła nilskaja huś. Ale radavacca tut niama čamu
U Biełaruś pryjšoŭ lasny kot — takoha nie bačyli amal 100 hadoŭ
U Navahrudskim rajonie mor ryby: kałhas źlivaŭ hnoj u raku
U sacsietkach zavirusiŭsia rolik z kaniom, jaki čakaje aŭtobusa na Mahiloŭ VIDEA