Barmiena z Hrodna pasadzili za «raspalvańnie varožaści». Sprava ŭ kamientarach u telehramie — choć jon ich i vydaliŭ

Imia Alaksieja Kierdala źjaviłasia ŭ śpisie «terarystaŭ», jaki stvaraje KDB. Haradzieniec vydaliŭ kamientary, ale heta nie dapamahło.

Alaksiej Kierdal. Fota ź jahonaj staronki ŭ instahramie

Alaksieju Kierdalu 33 hady. Jon haradzieniec. Paśla škoły adsłužyŭ u armii.

Apošnija hady Alaksiej pracuje barystaj u Hrodnie. Taksama z 2020-ha ŭ jaho byŭ nievialiki biznes — kampanija, śfieraj dziejnaści jakoj paznačana «pradastaŭleńnie miescaŭ dla pražyvańnia na terytoryi kiempinhaŭ i łahieraŭ».

Jak my pisali raniej, padobna, u biełaruskich śpiecsłužbaŭ jość ułasnaja baza kamientaroŭ karystalnikaŭ čataŭ. Ale kali akaŭnt byŭ pryviazany da ŭłasnaha biełaruskaha numara, padpisany ŭłasnym imiem ci jaho jašče niejak identyfikavali, to abaranić siabie našmat mienš mahčymaściaŭ.

Možna vydalić kamientary, ale heta na 100% nie abaronić. Pra bot i toje, jak im skarystacca, my pisali ŭ hetym artykule.

Alaksieja Kierdala asudzili pa artykule 130 KK Biełarusi — «raspalvańnie varožaści». Prysud nabyŭ siłu, chutčej za ŭsio, jaho praz paru dzion dadaduć i ŭ milicejski śpis «ekstremistaŭ».

Viadoma, što Alaksiej Kierdal ciapier za kratami.

Kamientary da artykuła