Indyjskija NPZ pierastali nabyvać rasijskuju naftu
Indyjskija dziaržaŭnyja naftapierapracoŭčyja zavody prypynili zakupku rasijskaj nafty paśla pahroz z boku Donalda Trampa, paviedamlaje ahienctva Reuters sa spasyłkaj na svaje krynicy.
Zdymak ilustracyjny. Fota: millenniumpost.in
Havorka idzie pra zavody, jakija naležać dziaržavie: Indian Oil, Hindustan Petroleum, Bharat Petroleum i Mangalore Refinery Petrochemical. Jany pierastali nabyvać rasijskuju naftu jašče na minułym tydni. Zamiest jaje pačali pastupać pastaŭki z Abu-Dabi i afrykanskich krain.
Hetyja dziaržaŭnyja pradpryjemstvy zajmajuć bolš za 60% ad usich mahutnaściaŭ naftapierapracoŭki ŭ Indyi. Adnak pryvatnyja kampanii, jak Reliance Industries i Nayara Energy, jakija źjaŭlajucca najbujniejšymi pakupnikami rasijskaj nafty ŭ Indyi, pakul jaje zakupki nie spynili.
Adna z pryčyn hetaha rašeńnia — pahrozy Trampa ŭvieści 100-pracentnyja myty na naftu dla krain, jakija praciahvajuć jaje kuplać u Rasii. Akramia taho, pastaŭščyki z Rasii skaracili źnižki, što taksama paŭpłyvała na rašeńnie indyjskaha boku.
Indyja — treci ŭ śviecie spažyviec nafty i samy bujny imparcior rasijskaj nafty, jakaja pastupaje tudy pa mory.
Čytajcie taksama:
Tramp nakłaŭ 25% pošliny na Indyju
Tramp pryhraziŭ sankcyjami krainam, jakija padtrymlivajuć BRIKS
Sienatar Hrem: Tramp padtrymaŭ novyja sankcyi suprać Rasii
Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii