U bazie siłavikoŭ «BIESparadki» bolš za 100 tysiač čałaviek
«Biełpoł» raskazvaje, što viadoma pra bazu.
Ilustracyjny zdymak. Fota: Look By Media
Pa źviestkach «Biełpoła», u bazu siłavikoŭ «BIESparadki» ŭklučana zvyš 100 tysiač čałaviek.
Tudy ŭnosiać tych, chto ŭdzielničaŭ u vuličnych pratestach, prajaŭlaŭ apazicyjnuju pazicyju ŭ internecie. Siarod ich jość i ŭžo asudžanyja pa kryminalnaj spravie, i biełarusy, jakija vyjechali za miažu.
Zvyš 50 tysiač čałaviek z hetaj bazy prajšli praz administracyjnyja zatrymańni i aryšty za pratesnuju dziejnaść.
Tych, kaho ŭnosiać u bazu, abmiažoŭvajuć u pravach. Naprykład, nie prymajuć na pracu ŭ dziaržaŭnyja arhanizacyi abo niezakonna zvalniajuć. Mnohich padviarhajuć niezakonnym «prafiłaktyčnym» administracyjnym zatrymańniam i aryštam, pieryjadyčnym pravierkam siłavikoŭ, uzmocnienamu kantrolu pry pierasiačeńni biełaruskaj miažy.