Pradstaŭnicu Šviecyi pa Biełarusi adpraŭlajuć u Maskvu
31 lipienia 2025 hoda ŭrad Šviecyi pryznačyŭ Kryścinu Juchanesan novaj ambasadarkaj u Rasii, paviedamlaje «Biełsat». Jana pačnie pracu ŭ Maskvie ŭžo hetaj vosieńniu. Raniej hetaja dypłamatka ŭžo mieła dośvied pracy ŭ Rasii — u konsulstvie ŭ Sankt-Pieciarburhu i ŭ ambasadzie ŭ Maskvie.
Juchanesan dobra viadomaja i ŭ Biełarusi: z 2017 da 2022 hoda jana była ambasadarkaj Šviecyi ŭ Minsku. Paśla zaviaršeńnia terminu jana ciopła raźvitałasia ź biełarusami i viarnułasia dadomu. Ale zusim ad biełaruskich spraŭ nie adyšła: paśla hetaha Juchanesan pryznačyli śpiecyjalnaj pradstaŭnicaj Šviecyi ŭ spravach demakratyčnych sił Biełarusi ŭ vyhnańni.
Kryścina Juchanesan aktyŭna vystupała ŭ padtrymku palitviaźniaŭ i biełaruskich demakratyčnych siłaŭ. I pakul nieviadoma, chto zojmie jaje miesca jak pradstaŭnik Šviecyi pa biełaruskich spravach.
Paśla adjezdu Juchanesan ź Minska ŭ 2022 hodzie Šviecyja, jak i bolšaść inšych krain Jeŭrasajuza, nie maje paŭnavartasnaha pasła ŭ Biełarusi — tolki časovuju pavieranuju.
Čytajcie taksama:
Časovy pavierany: Biełaruś viadzie dyjałoh z ZŠA, ale razmovy pra abmien pasłami niama
Sa Šviecyi departujuć jašče adnu biełaruskuju siamju
Ekśpiert patłumačyŭ, kali varta pačynać rabić šenhienskuju vizu, kab trapić na adpačynak u Jeŭropu