Pradprymalnika ź Minska adpravili ŭ kałoniju pa čatyroch palityčnych artykułach

Valeryja Žukava zatrymali ŭ listapadzie 2024 hoda. Ciapier ža jaho abvieścili «terarystam».

Valeryj Žukaŭ. Fota ź jahonaj staronki ŭ «Adnakłaśnikach»

Minčuku Valeryju Žukavu 51 hod. Jon bolš za 17 hadoŭ byŭ pradprymalnikam.

Žukava zatrymali ŭ listapadzie 2024 hoda za «raspaŭsiud ekstremisckich materyjałaŭ» i pasadzili na sutki. Paśla hetaha jon nie vyjšaŭ — zaviali kryminalnuju spravu.

Valeryja Žukava asudzili ŭ 2025 hodzie ŭ Minskim haradskim sudzie. Jaho abvinavačvali pa čatyroch artykułach Kryminalnaha kodeksa — «uvachodžańnie ŭ skład ekstremisckaha farmiravańnia» (č. 3 art. 361-1), «abraza pradstaŭnika ŭłady» (art. 369), «abraza Łukašenki» (č. 1 art. 368) i «raspalvańnie varožaści» (č. 1 art. 130).

Žukavu pahražała da šaści hadoŭ kałonii. Vynik suda i sutnaść abvinavačańniaŭ nieviadomyja, ale mužčynu pakinuli za kratami.

Kamientary da artykuła