«Prosta im nie spadabałasia jaje karcina». Stali viadomyja padrabiaznaści zatrymańnia mastački Ludmiły Ščamialovaj
Ich raspaviała žančyna, što była ź Ludmiłaj u IČU, piša «Viasna».
«Jana raspaviadała, što spačatku siłaviki pryjšli ź pieratrusam da mužčyny, u jakoha visieła jaje karcina. Jana była biez BČB, nie pratesnaja, ale prosta im nie spadabałasia. Tamu jany pryjšli ź pieratrusam da Ludmiły i jaje muža Ihara Rymašeŭskaha. Ź ich zrabili ekstremisckuju supołku i vystavili abvinavačvańnie pavodle taho ž art. 357».
Ludmiła Ščamialova — viadomaja mastačka, udzielnica nacyjanalnych, mižnarodnych i piersanalnych vystaŭ. Jaje raboty znachodziacca ŭ Nacyjanalnym mastackim muziei Respubliki Biełaruś, halerei Webkunsthaus FRH, pryvatnych kalekcyjach pa ŭsim śviecie. Ludmiłu zatrymali razam z mužam minułaj vosieńniu.