Pažar na stancyi i spynieńnie ciahnikoŭ — u Rasii kažuć pra masiravanuju ataku BPŁA
U Rasii zajavili nibyta pra ataku «na transpartna-enierhietyčnyja abjekty» Vałhahradskaj vobłaści, u pryvatnaści, pavodle danych pablikaŭ, u horadzie Frałova haryć čyhunačnaja stancyja.
Hubiernatar Vałhahradskaj vobłaści Andrej Bačaroŭ zajaviŭ, što ŭ noč suprać paniadziełka Vałhahradskaja vobłaść RF nibyta padvierhłasia atacy bieśpiłotnikaŭ «na transpartna-enierhietyčnyja abjekty».
Pavodle jaho słoŭ, u Frałoŭskim rajonie abmiežavany ruch ciahnikoŭ.
Razam z tym, pabliki paviedamlali, što čyhunačnaja stancyja ŭ Frałovie Vałhahradskaj vobłaści haryć nibyta paśla ataki bieśpiłotnikaŭ.
Rasijskaja čyhunka taksama paviedamiła pra spynieńnie ciahnikoŭ u horadzie Frałova.
Taksama paviedamlajecca pra zakryćcio aeraportaŭ Vałhahrada i Tambova.