Śledčy kamitet spaliŭ 350 kiłahramaŭ hierainu
Śledčy kamitet Biełarusi źniščyŭ partyju hierainu ahulnaj vahoj kala 350 kiłahramaŭ. Narkotyki byli spalenyja paśla zaviaršeńnia rasśledavańnia niekalkich kryminalnych spraŭ, paviedamlaje pres-słužba viedamstva.
Skrynšot ź videa
Bolšaja častka partyi narkotyka — zvyš 320 kh — była kanfiskavanaja ŭ miežach spravy suprać čatyroch inšaziemcaŭ. Jany ŭvachodzili ŭ złačynnuju arhanizacyju, jakaja zajmałasia niezakonnym abaračeńniem bujnych partyj narkotykaŭ.
Śledstva vyśvietliła, što asabliva niebiaśpiečnaje rečyva zavieźli ŭ Biełaruś pad vyhladam pastavak sokaŭ i haziravanych napojaŭ ź Irana tranzitam praz Rasiju. U Minsku hierain zachoŭvaŭsia na składzie i byŭ schavany ŭ skrynkach z-pad sokaŭ.
Hetaja partyja była pryznačana dla pierapraŭki ŭ krainy Jeŭrasajuza i Vialikabrytaniju, a Biełaruś vykarystoŭvałasia jak tranzitnaja terytoryja.
Čytajcie taksama:
Raspaŭsiudžvajecca novy niebiaśpiečny narkotyk. Jon užo dajšoŭ da krain Bałtyi
U dvuch biełarusaŭ u Batumi kanfiskavali try kiłahramy kakainu i 13 tysiač tabletak ekstazi
U Minsku psichatropy chavali ŭ blašanki z kansiervavanymi piersikami