Ksiandzu Zavalniuku prapanoŭvali zamiest Čyrvonaha kaścioła pierajechać u Rakaŭ. Jon admoviŭsia
Katalicki aktyvist Arciom Tkačuk adreahavaŭ u fejsbuku na zajavu byłoha probašča Čyrvonaha kaścioła ŭ Minsku ksiandza Uładzisłava Zavalniuka, jakoj toj upieršyniu za hod prakamientavaŭ svajo zvalnieńnie.
Ksiondz Uładzisłaŭ Zavalniuk
«Škada apošniaj zajavy ksiandza Uładzisłava. Usie razumiejuć što «na piensiju adpravili pa zahadzie zvyš». Ale ž usio-taki kazać, što «adłučyli ad ałtara, adpraŭleńnia śviatoj Imšy, ad Kaścioła, dušpastyrstva — razumiej, ad naroda» — prynamsi niespraviadliva.
Viadoma, što ks. Uładzisłavu prapanoŭvali varyjanty. Dobryja varyjanty. Adnak siłaj śviatara na parafiju nie zaviazieš.
Škada, što ŭ Biełarusi niekatoryja śviatary dziesiacihodździami kirujuć adnoj i toj ža parafijaj. Heta zrastańnie časta pryvodzić da sumnych situacyj», — napisaŭ Arciom Tkačuk.
U kamientarach jon udakładniŭ, što «dobrym varyjantam», jaki prapanoŭvali Uładzisłavu Zavalniuku była parafija ŭ Rakavie.
Čytajcie taksama:
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Ksiondz Uładzisłaŭ Zavalniuk paśla zvalnieńnia z Čyrvonaha kaścioła zavioŭ kanał u jutubie
«Niapraŭda aburaje». Vierniki raskazali, što nie tak sa zvalnieńniem probašča Čyrvonaha kaścioła
Na raźvitańni z ksiandzom Zavalniukom adklučyli tranślacyju. Što tam było?