Piensijanierka ŭ Viciebsku płaciła pa kredytach, jakija aformili na jaje machlary
Niechta aformiŭ na žycharku Viciebska kredyty i pieravioŭ hrošy sabie, a piensijanierka raźličvałasia z bankam. Žančyna vyrašyła źviarnucca ŭ prakuraturu, piša Onliner.by.
Vyjaviłasia, što na piensijanierku aformili anłajn-kredyty na bolš čym 9,5 tys. rubloŭ. Hrošy pryjšli na jaje rachunak, a potym ich źniali. Z žančyny spahnali zapazyčanaść bolš za 11 tys. rubloŭ.
Žančyna daviedałasia pra zapazyčanaść, tolki kali joj pryjšła pretenzija ad banka.
Pa fakcie zachopu piersanalnych danych i pryčynieńnia škody zaviedziena kryminalnaja sprava. Chto aformiŭ na jaje kredyty, pakul nie ŭstanoŭlena.
Pravierka pakazała, što žančyna pry zaklučeńni kredytnych damovaŭ nie ŭdzielničała i takich daručeńniaŭ nikomu nie davała, pašpart i inšyja dakumienty ź piersanalnymi danymi nie hublała i trecim asobam nie pieradavała, źviestak pra siabie nidzie nie raźmiaščała.
Prynaležnaści internet-pravajderam Respubliki Biełaruś IP-adrasoŭ, ź jakich afarmlalisia kredyty, nie ŭstanoŭlena, u zajaŭkach na zaklučeńnie dahavoraŭ paznačany numary telefonaŭ nieznajomych žančynie asob, — prakamientavała prakuratura.
Padčas pravierki vyśvietliłasia, što ŭ sistemu dystancyjnaha bankaŭskaha absłuhoŭvańnia ad imia piensijanierki zachodzili za miežami Biełarusi.
— Zajaŭnica źjaŭlajecca piensijanierkaj, maje 10 kłasaŭ adukacyi, nizki dachod, nie vałodaje hłybokimi viedami i navykami ŭ halinie IT, nie mieła mahčymaści ŭ poŭnaj miery samastojna abaraniać svaje pravy. Na hetaj padstavie prakuror Viciebska ŭ jaje intaresach pradjaviŭ u sud pazoŭ ab pryznańni kredytnych damovaŭ niezaklučanymi, — adznačyli ŭ prakuratury.
Pazoŭ zadavolili ŭ poŭnym abjomie — vykanaŭčyja nadpisy nataryusaŭ pryznali takimi, što nie padlahajuć vykanańniu, z banka ŭ karyść žančyny spahnali ŭžo ŭtrymanyja bolš za 3,3 tys. rubloŭ.