Pucin nie choča złavać Trampa, ale padparadkoŭvacca jaho ultymatumu naŭrad ci budzie
Małavierahodna, što Uładzimir Pucin padparadkujecca ultymatumu prezidenta ZŠA Donalda Trampa, termin jakoha skančajecca 8 žniŭnia, piša Reuters sa spasyłkaj na blizkija da Kramla krynicy.
Fota: Vyacheslav Prokofyev, Sputnik, Kremlin Pool Photo via AP
Pa słovach troch krynic, rašučaść Pucina hruntujecca na jaho viery ŭ pieramohu Rasii i skieptycyźmie adnosna taho, što čarhovyja sankcyi ZŠA zdolnyja akazać istotny ŭpłyŭ na ekanomiku RF.
Dva surazmoŭcy kažuć, što Pucin nie choča złavać Trampa i razumieje, što, vierahodna, stračvaje šaniec palepšyć adnosiny z Vašynhtonam i zachodnimi krainami, adnak ličyć svaje vajennyja mety važniejšymi. Pry hetym «razdražnieńnie» Trampa jaho biantežyć, skazała adna z krynic.
Tym nie mienš, pavodle mierkavańnia Pucina, ciapier — kali rasijskaja armija aktyŭna nastupaje — nie čas zakančvać vajnu: hetaha nie zrazumiejuć ni rasijski narod, ni armija.