86-hadovaja piensijanierka ŭ Minsku pradyktavała machlaram PIN-kod i zastałasia bieź źbieražeńniaŭ
86-hadovaja minčanka zastałasia biez usich źbieražeńniaŭ paśla sieryi zvankoŭ ad telefonnych machlaroŭ. U jakaści scenara padmanu ašukancy vykarystali schiemu padaŭžeńnia damovy na pasłuhi suviazi, paviedamlaje staličnaja milicyja.
Spačatku žančynie patelefanavali ŭ miesiendžary i pradstavilisia supracoŭnikami apieratara suviazi. Pad padstavaj padaŭžeńnia damovy złamyśniki vyviedali ŭ piensijanierki jaje piersanalnyja danyja.
Praź niekatory čas pastupiŭ druhi zvanok — ciapier užo ad supracoŭnika KDK. Jon napałochaŭ žančynu tym, što nibyta jaje danyja trapili ŭ ruki machlaroŭ i vykarystoŭvajucca ŭ złačynnych schiemach. Machlary pierakanali minčanku pieravieści im 11 tysiač rubloŭ dla «dekłaravańnia». Što jana i zrabiła.
Dalej piensijaniercy zahadali terminova nakiravacca ŭ bank. Tam jana aformiła bankaŭskuju kartku na svajo imia, uniesła na rachunak kala 10 tysiač rubloŭ i, nie padazrajučy padmanu, nadyktavała złamyśnikam PIN-kod. Nieŭzabavie z rachunku byli śpisanyja ŭsie hrošy.
Tolki paśla hetaha žančyna zrazumieła, što stała achviaraj machlaroŭ, i źviarnułasia ŭ milicyju. Ahulnaja suma škody skłała bolš za 20 tysiač rubloŭ.
Zaviedziena kryminalnaja sprava.