Žycharu Biešankovičaŭ dali try miesiacy aryštu za tatuiroŭku z nacysckaj simvolikaj
U sudzie Viciebskaha rajona asudzili 37-hadovaha žychara Biešankovičaŭ. Jaho pryznali vinavatym pa art. 341-1 KK RB (prapahanda ci publičnaje demanstravańnie nacysckaj simvoliki abo atrybutyki», paviedamlaje «Viciebskaja viasna».
Fota: Lookbymedia
Padstavaj stała tatuiroŭka na biezymiennym palcy levaj ruki, nabitaja jašče ŭ 2007 h. u miescach pazbaŭleńnia voli. Tatuiroŭka trapiła na videa ŭ tyktok-kanale, jaki mužčyna vioŭ.
Za jaje na praciahu hoda fihuranta ŭžo dvojčy pryciahvali da administracyjnaj adkaznaści pa č.1 i 2 art.19.10 KaAP. Malunak zahadali źniščyć, ale jon hetaha nie zrabiŭ. Tamu paśla dvuch administracyjnych była raspačataja kryminalnaja sprava.
Sud pastanaviŭ kanfiskavać u mužčyny telefon jak srodak ździajśnieńnia złačynstva i pakaraŭ jaho aryštam na 3 miesiaca. Zrešty, za kratami asudžany byvaŭ užo nie adnarazova — raniej jaho karali za kradziažy, rabaŭnictva, uhon transpartnaha srodka, parušeńni režymu previentyŭnaha nahladu… Ciapier jaho nakirujuć jašče i na prymusovaje lačeńnie ad chraničnaha ałkahalizmu