Novaj premjerkaj Litvy maje stać 44-hadovaja prafsajuźnica
Litoŭskija sacyjał-demakraty vyłučyli na pasadu premjer-ministra ciapierašniuju kiraŭnicu Ministerstva sacyjalnaj abarony i pracy, kolišniuju prafsajuznuju aktyvistku Inhu Ruhinienie.
Inha Ruhinienie
Inha Ruhinienie pracuje na pasadzie ministra sacyjalnaj abarony i pracy Litvy sa śniežnia 2024 hoda, jana deputatka Siejma ad partyi sacyjał-demakrataŭ.
Novaja mierkavanaja premjerka naradziłasia 24 maja 1981 hoda ŭ Trokach, jak kažuć, u ruskamoŭnaj siamji. Pa adukacyi jana mahistarka achovy zdaroŭja i jurystka ŭ śfiery pracoŭnaha prava, a taksama vyvučała kiravańnie lasnoj haspadarkaj.
Z 2018 pa 2024 hod jana ŭznačalvała Litoŭskuju kanfiederacyju prafsajuzaŭ. Była vice-prezidentkaj Mižnarodnaj kanfiederacyi prafsajuzaŭ (ITUC) i Jeŭrapiejskaj kanfiederacyi prafsajuzaŭ (ETUC).
Kandydatura Ruhinienie pavinna być uzhodnienaja z prezidentam Litvy Hitanasam Naŭsiedam. Paśla hetaha jon pavinien pradstavić kandydata na zaćviardžeńnie Siejmu.
Pasada premjer-ministra Litvy vyzvaliłasia paśla taho, jak 4 žniŭnia raniejšy kiraŭnik urada Hintaŭtas Pałuckas pajšoŭ u adstaŭku na fonie karupcyjnaha skandału.
Čytajcie taksama:
U dronie, jaki zalacieŭ ź Biełarusi ŭ Litvu, było vybuchovaje prystasavańnie
Letaś u Vilni ŭ biełarusaŭ naradziłasia kala 100 dziaciej
Departamient dziaržaŭnaj biaśpieki Litvy: Raście ryzyka zatrymańnia litoŭcaŭ u Biełarusi