Kartki niekatorych bankaŭ nie buduć pracavać u noč na 9 žniŭnia
Kartki niekatorych bankaŭ mohuć nie pracavać u noč na 9 žniŭnia. Heta źviazana z praviadzieńniem Bankaŭskim pracesinhavym centram technałahičnych rabot.
Jak prainfarmavali ŭ Biełarusbanku, z 00:00 da 5:00 9 žniŭnia mahčymyja karotkačasovyja pierapynki ŭ absłuhoŭvańni trymalnikaŭ płaciežnych kartak banka ŭ sietcy arhanizacyj handlu (servisu), punktach vydačy najaŭnych, bankamatach i pryładach samaabsłuhoŭvańnia banka.
Takuju ž infarmacyju raźmiaścili akcyjaniernyja tavarystvy «Śbier Bank», «Bank Dabrabyt», «Parytetbank», «Bank Rašeńnie», «Niea Bank Azija».