U markietpłejsa Ozon prodažy ŭ Biełarusi vyraśli amal u čatyry razy

Rasijski markietpłejs Ozon apublikavaŭ finansavuju spravazdaču za druhi kvartał 2025 hoda i paviedamiŭ pra značny rost pakazčykaŭ u Biełarusi. 

Fota ilustracyjnaje

Kolkaść zakazaŭ u Biełarusi vyrasła dla Ozon amal u čatyry razy ŭ paraŭnańni z anałahičnym pieryjadam minułaha hoda. Dla paraŭnańnia, pa ŭsioj kampanii rost skłaŭ 66%.

Akramia taho, u biełaruskim pradstaŭnictvie Ozon adznačajuć:

• pavieličeńnie ŭdvaja kolkaści aktyŭnych kupcoŭ;
• rost handlovaha abarotu amal u 3,5 raza.

Dla ŭsioj kampanii hetyja ličby ściplejšyja: u jaje baza pakupnikoŭ pavialičyłasia na 18%.

U kampanii taksama padkreślili rost łajalnaści klijentaŭ: ciapier siaredni kupiec afarmlaje bolš za 30 zamoŭ na hod, što na šeść bolš, čym letaś.

Kamientary da artykuła