Siem vypusknikoŭ adnaho kaledža pakarali za admovu ad pracy pa raźmierkavańni
Z pačatku 2025 hoda siem vypusknikoŭ Kličaŭskaha ahrarna-techničnaha kaledža, jakija admovilisia pracavać pa raźmierkavańni, byli pryznanyja vinavatymi sudom i pavinny viarnuć za navučańnie ahulnuju sumu bolš za 42 tysiačy rubloŭ.
Kličaŭski dziaržaŭny ahrarna-techničny kaledž. Fota: adukar.com
Jak paviedamiła Hienieralnaja prakuratura, u bolšaści vypadkaŭ vypuskniki nie adpracavali abaviazkovy termin z-za zvalnieńnia pa svajoj vinie — naprykład, z-za prahułaŭ.
U adnym z vypadkaŭ student padpisaŭ damovu na metavuju padrychtoŭku z kaledžam i ŭpraŭleńniem sielskaj haspadarki Babrujskaha rajvykankama. Paśla zakančeńnia vučoby jaho nakiravali pracavać ślesaram u sielskahaspadarčuju arhanizacyju na try hady. Adnak praz karotki čas jaho pryzvali ŭ vojska, i paśla słužby jon na pracu nie viarnuŭsia. U vyniku prakuror Kličaŭskaha rajona padaŭ u sud i zapatrabavaŭ spahnać ź jaho amal 10 tysiač rubloŭ.
Čytajcie taksama:
Biełaruska ŭ 36 hadoŭ pastupaje va ŭniviersitet na dzionnaje
Słužbu ŭ armii buduć zaličvać u abaviazkovuju adpracoŭku pa raźmierkavańni