Tramp: Pamiž Ukrainaj i Rasijaj maje adbycca abmien terytoryjami ŭ intaresach abodvuch bakoŭ
Zialenski pavinien być hatovy «padpisać niešta», kab skončyć vajnu va Ukrainie, skazaŭ prezident ZŠA.
Fota: Anna Moneymaker / Getty Images
Prezident ZŠA Donald Tramp 8 žniŭnia na bryfinhu ŭ Biełym domie zajaviŭ, što ŭ mirnaj damovie adnosna rasijska-ukrainskaj vajny varta čakać «peŭny abmien terytoryjami», piša «Ukrainskaja praŭda».
Potym Tramp dadaŭ, što sustreča z Pucinym moža prajści 15 žniŭnia na Alascy.
Zialenski pavinien być hatovy «padpisać niešta», kab skončyć vajnu va Ukrainie, skazaŭ prezident ZŠA.
Prezident ZŠA dadaŭ, što ŭ pracesie anansavanaj damovy budzie praviedzieny abmien terytoryjami na karyść abodvum bakam.
«Havorka idzie pra terytoryi, za jakija try z pałovaj hady išli žorstkija bai, što zabrali žyćci mnohich ukraincaŭ i rasijan. Zaraz płanujuć viarnuć častku hetych ziemlaŭ i pravieści ŭzajemny abmien. Praces składany i niaprosty, ale my vierniem častku terytoryj, praviadziom peŭnyja abmieny, i heta budzie na karyść abodvum bakam».
Tramp dadaŭ, što «kali b ZŠA nie ŭmiašalisia, vajna pamiž Ukrainaj i Rasijaj pieratvaryłasia b u suśvietnuju. Ja heta spyniŭ».
«Zaraz adzinaje pytańnie — kali heta budzie ŭrehulavana. I heta moža zdarycca vielmi chutka», — adznačyŭ jon.
Taksama prezident ZŠA ličyć, što jość šaniec na trochbakovuju sustreču z Pucinym i Zialenskim. Jon ličyć, što Pucin choča miru hetak ža, jak Ukraina i inšyja lidary Jeŭropy.
Čytajcie taksama:
Donald Tramp zajaviŭ, što sustreniecca z Pucinym 15 žniŭnia na Alascy
Tramp: Pucinu nie treba sustrakacca ź Zialenskim pierad sustrečaj sa mnoj