Ukrainskija drony atakavali naftapierapracoŭčy zavod u Komi — za 2 tysiačy km ad Ukrainy
Kažuć, što heta była śpiecapieracyja Hałoŭnaha ŭpraŭleńnia raźviedki Ukrainy.
Paškodžany reziervuar. Fota: telehram-kanał «VČK-OHPU»
Naftapierapracoŭčy zavod «Łukojł-Uchtanaftapierapracoŭka» ŭ Rasijskaj respublicy Komi ŭ 2000 kiłamietrach ad Ukrainy atakavali drony HUR, paviedamlaje «Ukrainskaja praŭda» sa spasyłkaj na svaje krynicy ŭ raźviedcy.
Pa danych krynic, 10 žniŭnia zavod byŭ atakavany ŭ vyniku śpiecapieracyi Hałoŭnaha ŭpraŭleńnia raźviedki. Pradpryjemstva zabiaśpiečvaje rasijskuju armiju haruča-zmazačnymi materyjałami.
Krynicy va ŭkrainskaj raźviedcy dadajuć, što drony pabili reziervuar z naftapraduktami, u vyniku čaho źmieściva raźliłasia, paškodzili ŭstanoŭku pa pierapracoŭcy hazu i hazavaha kandensatu, jakaja vykarystoŭvajecca dla vytvorčaści prapan-butanu i bienzinu.
Rasijskija telehram-kanały raniej pisali, što miascovyja ŭłady evakujavali zavod z-za ataki dronaŭ, a taksama uchcinski HC «Kirmaš».
Telehram-kanał «VČK-OHPU» apublikavaŭ kadry, na jakich bačna praboina ŭ adnym z reziervuaraŭ.
Žychary Uchty i Syktyŭkara skardzilisia na pieraboi ŭ pracy mabilnaha internetu. Ułady rasijskich rehijonaŭ niaredka adklučajuć suviaź padčas napadaŭ bieśpiłotnikaŭ, tłumačačy heta mierkavańniami biaśpieki. U aeraporcie časova prypyniali pryjom i vypusk samalotaŭ.