BPC jašče raz źmianiła svoj łahatyp — Maskvie moža znoŭ nie spadabacca
Paśla zaŭvahi z Maskvy BPC viarnuła zhadku pra Maskoŭski patryjarchat. A ciapier znoŭ vyrašyła zrabić akcent na tym, što carkva biełaruskaja.
Patryjarch Kirył i mitrapalit Vienijamin. Fota: BPC
Biełaruskaja pravasłaŭnaja carkva druhi raz za miesiac źmianiła łahatyp.
U lipieni Sinod RPC zrabiŭ Minsku zaŭvahu. U Maskvie zaŭvažyli, što BPC nie vykarystoŭvaje ŭ svajoj naźvie zhadku ab svajoj prynaležnaści da Maskoŭskaha patryjarchata. U pačatku žniŭnia BPC «papraviłasia»: na łahatypie na sajcie nazvu źmianili na «Biełaruski ekzarchat Maskoŭskaha patryjarchata». A ŭłasna «Biełaruskaja pravasłaŭnaja carkva» napisali ŭ dužkach.
Skrynšot «Chryścijanskaj vizii»
U apošnija dni łahatyp źmianili jašče raz, źviarnuła ŭvahu «Chryścijanskaja vizija». U ekzarchacie vyrašyli pamianiać dźvie častki nazvy miescami, kab nadpis «Biełaruskaja pravasłaŭnaja carkva» ŭsio ž byŭ daminujučym. Ciapier na łahatypie zhadka pra Maskoŭski patryjarchat paznačanaja ŭ dužkach.
Čytajcie taksama:
Biełaruskaja pravasłaŭnaja carkva viarnuła ŭ nazvu «Maskoŭski patryjarchat» paśla zaŭvahi z Maskvy