Biełaruś padniałasia na 48-je miesca ŭ kłubnym rejtynhu UEFA
Paśla zaviaršeńnia treciaha kvalifikacyjnaha raŭnda kantynientalnych turniraŭ Sajuz jeŭrapiejskich futbolnych asacyjacyj (UEFA) abnaviŭ rejtynh kłubnych kaeficyjentaŭ.
Hrodzienski «Nioman». Fota: football.by
Dziakujučy vychadu hrodzienskaha «Niomana» ŭ płej-of kvalifikacyi Lihi kanfierencyj Biełaruś padniałasia na 48-je miesca, nabraŭšy ŭ hetym siezonie 2,125 bała. Heta najlepšy pakazčyk biełaruskich kłubaŭ za šeść apošnich hadoŭ.
Pry hetym kaeficyjent Biełarusi ŭ tablicy jašče moža być palepšany, kali «Nioman» praciahnie paśpiachovy vystup u Lizie kanfierencyj.
Hrodzienski kłub upieršyniu ŭ svajoj historyi prabiŭsia ŭ płej-of jeŭrakubkaŭ. U baraćbie za vychad u asnoŭny etap treciaha pa ranhu kantynientalnaha turniru «Niomanu» treba budzie paspračacca ź ispanskim «Raja Valjekana». Pieršy matč hrodziency praviaduć 21 žniŭnia ŭ Vienhryi ŭ naminalna chatnim matčy, pajadynak u adkaz projdzie 28 žniŭnia ŭ Madrydzie.
Čytajcie taksama:
Staŭ viadomy mahčymy supiernik hrodzienskaha «Niomana» ŭ płej-of kvalifikacyi Lihi kanfierencyj