Minčuk pabačyŭ u Śvisłačy biełuju pienu i miortvuju rybu. Jamu patłumačyli, što heta

U siecivie źjaviłasia videa, dzie aŭtar śćviardžaje pra zabrudžvańnie Śvisłačy: u kadry vidać vadaściok ź biełaj pienaj i miortvyja rybiny. Heta stała nahodaj dla pravierki miascovaści adpaviednymi słužbami, piša ahienctva «Minsk-Naviny».

Skrynšot ź videa

Na miesca vyjechali śpiecyjalisty Minskaha haradskoha kamiteta pryrodnych resursaŭ razam z rabotnikami pradpryjemstva «Harramliŭniestok» i ahledzieli prybiarežnuju zonu dy vodnuju pavierchniu Ślapianskaj vodnaj sistemy ŭ rajonie zavułka Kazłova.

Vizualna prykmiet hibieli ryby abo zabrudžvańnia kamisija nie vyjaviła. Analiz prob vady z troch punktaŭ paćvierdziŭ, što ŭsie pakazčyki — ad utrymańnia kisłarodu da ŭzroŭniu naftapraduktaŭ — adpaviadajuć ekałahičnym normam, a faktaŭ zabrudžvańnia pavierchnievych vodnych abjektaŭ niama.

Što da biełaj pieny, to jaje źjaŭleńnie tłumačycca pracaj hidratechničnaha zbudavańnia — vadapravodnaha kalektara, jaki zabiaśpiečvaje svabodny pratok vady. Pravierka vady ŭ hetym miescy pakazała adsutnaść starońnich damieškaŭ i niepryjemnaha pachu.

Kamientary da artykuła