Na aŭkcyjonie Sotheby’s pradali kavałak mietearyta ź Biełarusi
Na amierykanskim aŭkcyjonie Sotheby’s 16 lipienia 2025 hoda pradali čarhovy frahmient znakamitaha brahinskaha mietiearyta za 44,4 tysiačy dołaraŭ.
Padčas aŭkcyjonu Natural History. Fota: Sotheby's
Frahmient pałasitu pamierami 231×195×3 mm i vahoj 408 hramaŭ byŭ častkaj aŭkcyjonu Natural History, dzie taksama pradavalisia 122 łoty, uklučajučy škilet maładoha terazaŭra i vialiki marsijanski mietearyt.
Dla paraŭnańnia, skielet terazaŭra pradaŭsia za 30,51 miljona dalaraŭ, a marsijanski mietiearyt vahoj 24,67 kh — za 5,296 miljona dalaraŭ.
Raniej frahmienty brahinskaha mietiearyta taksama pieryjadyčna źjaŭlalisia na aŭkcyjonach: u lipieni 2024 hoda dva frahmienty pradavalisia za 9 600 i 9 000 dalaraŭ, a ŭ lipieni 2023 hoda adzin — za 2 794 dalary.
Mietearyt znajšli ŭ 1810 hodzie ŭ Brahinskim rajonie, jon važyć 2,6 kh. Košt jaho aceńvajuć u 10-15 tysiač dalaraŭ.
Miarkujecca, što ŭ pačatku XIX stahodździa ŭ Brahinskim rajonie byŭ mahutny «doždž» z padobnych mietearytaŭ. Z taho času znajšli bolš za dziasiatak frahmientaŭ. Jany zachoŭvajucca ŭ Biełarusi i Rasii.
Čytajcie taksama:
Na aŭkcyjonie Christie's pradadzienyja 4 brahinskija mietearyty
Na Sotheby’s pradajuć mietearyt, znojdzieny bolš za 200 hadoŭ tamu na poŭdni Biełarusi
U Minsku pakažuć mietearyt, jaki ŭpaŭ na Biełaruś u pačatku hoda
Marsijanski mietearyt pradali na aŭkcyjonie za vialikija hrošy. Ułady afrykanskaj krainy pratestujuć
U ZŠA mietearyt upaŭ na dom. Navukoŭcy śćviardžajuć, što jon starejšy za Ziamlu