«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ

Premjer-ministr Vienhryi Viktar Orban pakazaŭ svaim adnapartyjcam u supołcy fejsbuka kopiju lista, jaki jon nakiravaŭ prezidentu ZŠA Donaldu Trampu, razam ź jaho rukapisnym adkazam.

Viktar Orban i Donald Tramp. Fota: Mark Wilson/Getty Images

U svaim pasłańni Viktar Orban abvinavaciŭ Ukrainu ŭ napadach na naftapravod «Družba», padkreśliŭšy, što heta adzinaja krynica nafty dla Vienhryi i Słavakii. Jon nazvaŭ takija dziejańni «vielmi niedružalubnym krokam» i dadaŭ, što, niahledziačy na pastaŭki elektraenierhii i paliva z boku Vienhryi, Ukraina nanosić udary pa infrastruktury, jakaja zabiaśpiečvaje krainu.

U adkaz Tramp napisaŭ ad ruki na palach lista:

«Viktar. Mnie niepryjemna heta čuć. Ja vielmi zły z-za hetaha. Pieradaj Słavakii. Ty moj vialiki siabar».

Hety epizod staŭ praciaham zajaŭ vienhierskaha boku adnosna pracy naftapravoda «Družba». Raniej kiraŭnik MZS Vienhryi Pietier Sijarta nieadnarazova zajaŭlaŭ, što pastaŭki pa naftapravodzie spyniajucca praz ataki, u jakich Budapiešt abvinavačvaje Ukrainu. Jon taksama namiakaŭ, što ŭ adkaz Vienhryja moža prypynić pastaŭki elektraenierhii ŭ susiedniuju krainu.

Kamientary da artykuła