U hrodzienskim univiersitecie ŭvodziać dziažurnych, kab papiaredzić ekstremizm i praduchilić teraryzm
Kab zmahacca z ekstremizmam i teraryzmam, u Hrodzienskim dziaržaŭnym ahrarnym univiersitecie arhanizujuć dziažurstvy studentaŭ-žylcoŭ. Takim čynam źbirajucca ŭmacavać hramadskuju biaśpieku i dyscyplinu, piša Hrodna.life.
Internat HDAU. Fota: ggau.by
Heta stała viadoma z novaha zahadu «Pałažeńnie ab studenckim internacie» ad 8 lipienia 2025 hoda za podpisam rektara.
Jak mienavita dziažurstvy dapamohuć zmahacca z ekstremizmam i teraryzmam, u dakumiencie nie raskryvajecca.
Taksama ŭ im skazana, što vychavaŭčuju pracu ŭ internacie pravodzić administracyja ŭniviersiteta sumiesna z adździełam pa ideałahičnaj i vychavaŭčaj pracy pry ŭdziele aktyvu BRSM.
«Vychavaŭčaja rabota pavinna być nakiravana na farmiravańnie harmanična raźvitoj, nacyjanalna śviadomaj, patryjatyčna nastrojenaj i sacyjalna aktyŭnaj asoby, zdarovaha ładu žyćcia i zabieśpiačeńnia razumnaj zaniataści navučencaŭ u volny ad vučoby čas», — ličać stvaralniki dakumienta.