Dzik zabiŭ rabočaha ŭ Tałačynskim rajonie
Žychar vioski Vaŭkovičy na svaim padvorji trymaje dzikoŭ. Vyraščanyja ŭ niavoli, jany pryvykajuć da čałavieka.
Ilustracyjnaje fota BiełTA
Adnak pry spryjalnych abstavinach dzikija instynkty mohuć uziać vierch nad chatnim hadavańniem, paviedamlaje Dziaržaŭny kamitet sudovych ekśpiertyz.
Tak i adbyłosia 23 žniŭnia, kali dzik vyrvaŭsia z valjera i atakavaŭ 44-hadovaha rabočaha padvorja.
Mužčyna atrymaŭ udary ikłami ŭ rajon pachu i pravaj nahi, ad jakich pamior na miescy. Sudova miedekśpierty ŭstanavili, što śmierć mužčyny nastupiła ŭ vyniku mocnaha kryvacioku ŭ vyniku troch rvanych ran nižniaha kraju žyvata, ściahna i halonki pravaj nahi.