Abjadnany pierachodny kabiniet staŭ na bok Paŭła Łatuški ŭ kanflikcie z Volhaj Karpušonak
Abjadnany pierachodny kabinieta Biełarusi apublikavaŭ zajavu ŭ suviazi z publikacyjami Volhi Karpušonak
Fota: SOPA Images LightRocket via Getty Images
«U publičnaj prastory źjaviŭsia šerah paviedamleńniaŭ ad imia Volhi Karpušonak z abvinavačańniami suprać namieśnika kiraŭnicy Abjadnanaha Pierachodnaha Kabinieta Paŭła Łatuški. Na hety momant nie pradstaŭlena nijakich faktaŭ abo dokazaŭ u padtrymku hetych abvinavačańniaŭ. Taksama niama mahčymaści pravieryć, ci byli hetyja zajavy zroblenyja dobraachvotna, bieź źniešniaha cisku abo ŭpłyvu», — havorycca ŭ zajavie APK.
«Uličvajučy, što śpiecsłužby režymu sistemna pravodziać kampaniju pa dyskredytacyi biełaruskich demakratyčnych sił i ich pradstaŭnikoŭ (u tym liku Paŭła Łatuški), my razhladajem publikacyi Volhi Karpušonak jak častku hetaj kampanii. Abjadnany pierachodny kabiniet paćviardžaje svoj poŭny davier i padtrymku Paŭłu Łatušku i zaklikaje hramadzianskuju supolnaść i mižnarodnych partnioraŭ krytyčna stavicca da takich infarmacyjnych atak», — zajaŭlaje APK.
30 žniŭnia delehatka Kaardynacyjnaj rady i pradstaŭnica ad demakratyčnaj Biełarusi ŭ Parłamienckaj asamblei Rady Jeŭropy Volha Karpušonak na svajoj staroncy ŭ fejsbuku abvinavaciła Paŭła Łatušku ŭ seksualnych damahańniach.
Pavieł Łatuška adchiliŭ hetyja abvinavačvańni. Ataku ž z boku Karpušonak jon ličyć vynikam dziejnaści śpiecsłužbaŭ režymu Łukašenki.
Paśla taho nieŭzabavie vyśvietliłasia, što Karpušonak pierabrałasia z Polščy spačatku ŭ Ispaniju, a paśla ŭ Braziliju.
Čytajcie taksama:
U Kaardynacyjnaj radzie prapanujuć uvieści abaviazkovy palihraf dla delehataŭ
Karpušonak pryznała, što pieramahčy Łatušku ŭ samoj saboj zadadzienym farmacie joj nie pa siłach
Volha Karpušonak dajšła ŭ svaich skarhach da Parłamienckaj asamblei Rady Jeŭropy
Łatuška: Zajava Karpušonak u palicyju Ispanii — poŭny pravavy absurd