Pad Biarozaj sutyknulisia dva biełaruskija źniščalniki
Adna mašyna stračana, lotčyk katapultavaŭsia.
21 krasavika ŭ 20.15 padčas ažyćciaŭleńnia płanavaha palotu va ŭmovach abmiežavanaj bačnaści pry vykanańni manieŭru pavyšanaj składanaści adbyłosia sutyknieńnie ŭ pavietry dvuch samalotaŭ MiH‑29 927‑j źniščalnaj avijacyjnaj bazy (Biaroza).
Pra heta paviedamiła pres‑słužba Ministerstva abarony Biełarusi.
U vyniku adna z mašyn atrymała paškodžańni, jakija nie dali mahčymaści pradoŭžyć palot. Lotčyk zdoleŭ vyvieści źniščalnik u rajon 210‑ha avijacyjnaha palihona
i, pierakanaŭšysia ŭ adsutnaści na ziamli nasielenych punktaŭ, katapultavaŭsia.
Prafiesijnyja dziejańni inšaha piłota dazvolili druhoj mašynie paśpiachova pryziamlicca na bazavym aeradromie.
Ciapier žyćciu lotčykaŭ ništo nie pahražaje. Pryčyny zdareńnia rasśledujucca kamisijaj Ministerstva abarony.