U Minsku adkryjecca jašče adzin budaŭničy hipiermarkiet Mile

Novaja krama budzie raźmiaščacca ŭ handlovym centry Green u mikrarajonie Čyžoŭka. Raniej na hetym miescy znachodziŭsia sałon mebli «Ami Mebla» ad fabryki «Łahuna». Placoŭka vyzvaliłasia ŭ siaredzinie leta, a ŭ pačatku vieraśnia na zakrytych raletach źjaviŭsia banier ź infarmacyjaj pra adkryćcio Mile, piša Office Life.

Fota: Office Life

Sietka Mile naležyć kampanii «Astambud», siamiejnamu biznesu siamji Kalcovych. Akramia Mile, kampanija taksama vałodaje sietkaj kram dla doma York.

Usiaho pad brendam Mile ŭ Biełarusi pracujuć 10 hipiermarkietaŭ u Minsku, Hrodnie, Breście i Maładziečnie.

Kampanija ŭžo pačała pošuk piersanału dla novaj kramy. Na sajcie rabota.by adkrytyja vakansii: śpiecyjalist pa ŭliku, supracoŭnik pa pracy z klijentami, staršy kasir, pradaviec-kansultant. Padobnyja vakansii adkrytyja i dla handlovaha centra «Červieński», što śviedčyć pra mahčymaje chutkaje adkryćcio jašče adnoj kramy Mile tam.

Raniej, u siaredzinie žniŭnia, paviedamlałasia, što ŭ HC «Červieński» źjavicca pieršy afłajn-mahazin biełaruskaha anłajn-rytejlera 21vek.by, z farmatam, jaki spałučaje open space i hatovyja interjernyja rašeńni.

Kamientary da artykuła