Bolš za pałovu biełaruskich turystaŭ jeździać parami

Biełaruski servis braniravańnia TravelHub padzialiŭsia śviežymi danymi pra toje, jak siońnia padarožničajuć karystalniki hetaj płatformy.

Fota ilustracyjnaje

Bolšaść padarožnikaŭ — pary: jany składajuć 55% usich karystalnikaŭ. Ramantyčnyja pajezdki zastajucca samym papularnym farmatam, asabliva na Maldyvy, u Tajłand, na Bali i kitajski vostraŭ Chajnań.

Siamiejnyja padarožžy zajmajuć 30% — heta siemji ź dziećmi, jakija addajuć pieravahu biaśpiečnym i kamfortnym maršrutam z nasyčanaj prahramaj. Papularnyja napramki: Hruzija, Turcyja, Jehipiet i Chajnań.

Soła-padarožniki składajuć kala 10% karystalnikaŭ. Jany šukajuć samastojnyja maršruty, kulturnyja adkryćci i asabistyja ŭražańni. Najčaściej abirajuć Italiju, Ispaniju, Francyju, Kitaj i Vjetnam.

Mienš za 5% padarožnikaŭ padarožničajuć hrupami z troch i bolš čałaviek, što pakazvaje rost cikavaści da indyvidualnych i kamiernych farmataŭ adpačynku.

Kamientary da artykuła