U Žłobinskim rajonie kiroŭca tak hazavaŭ, što pasažyrku vykinuła ŭ akno. Mužčyna bieź jaje pajechaŭ dalej
Kiroŭca kinuŭ biez dapamohi rodnuju ciotku.
Ilustracyjny zdymak. Fota: vecteezy.com
Žychar ahraharadka Majskaje biez pravoŭ sieŭ za rul i ledź nie zahubiŭ svajačku.
U kancy maja mužčyna ŭnačy jechaŭ sa svajoj ciotkaj na aŭtamabili «VAZ». Bačnaść była abmiežavanaja, byŭ doždž. Viaskoviec pieravysiŭ chutkaść i mašyna pieraviarnułasia, piša «Homielskaja praŭda».
U mašynie nie było ramianioŭ biaśpieki, tamu pasažyrka vylecieła ŭ akno zadniaha siadzieńnia. Plamieńnik ź miesca DTZ uciok, nie akazaŭšy dapamohu rodnamu čałavieku.
Sud Žłobinskaha rajona pryznačyŭ jamu dva hady pazbaŭleńnia voli ŭ kałonii ahulnaha režymu z pazbaŭleńniem prava kiravać transpartnym srodkam na praciahu piaci hadoŭ, a taksama štraf u pamiery 50 bazavych vieličyniaŭ (2100 biełaruskich rubloŭ).