Polšča zakryvaje miažu ź Biełaruśsiu ŭ suviazi z vučeńniami «Zachad-2025»
Heta adbudziecca ŭ noč z 11 na 12 vieraśnia.
Polskija i biełaruskija pamiežniki tvaram u tvar, 31 žniŭnia 2025. Fota: AP Photo/Czarek Sokolowski
Premjer-ministr Donald Tusk zajaviŭ, što ŭ noč z čaćviarha na piatnicu ŭ metach dziaržaŭnaj biaśpieki Polšča zakryje miažu ź Biełaruśsiu, uklučajučy čyhunačnyja pierachody, u suviazi z vučeńniami «Zachad».
«U piatnicu pačynajucca vielmi ahresiŭnyja z punktu hledžańnia vajennaj daktryny rasijska-biełaruskija vučeńni na terytoryi Biełarusi, zusim blizka da polskaj miažy. Heta maje roznyja nastupstvy, u tym liku i adkaz z našaha boku — vučeńni polskaha vojska i sajuźnickich sił», — skazaŭ jon.
Jon dadaŭ, što metaj rasijska-biełaruskich vučeńniaŭ źjaŭlajecca taksama Suvałkaŭski kalidor.
Premjer adznačyŭ, što Polšča maje taksama spravu z rostam kolkaści roznych pravakacyj z boku Rasii i Biełarusi.
Sumiesnyja rasijska-biełaruskija vučeńni «Zachad-2025» projduć z 12 pa 16 vieraśnia.
Ciapier na biełaruska-polskaj miažy pracuje tolki adzin punkt propusku.